Biryara Dadgeha Herêmî ya Enqerê ya ji bo heft rojnamevanan hatiye dayîn, qonaxek nû ya zexta sîstematîk a li dijî azadiya çapemeniyê û bi taybetî jî li dijî rojnamevanên jin e. Rojnamevanên ku rastiyê eşkere dikin têne cezakirin. Rojnamegerî bi nûçe, wêne, materyalên dîjîtal û nameyan wekî ‘delîlên rêxistinê’ hatiye sûcdarkirin. Ev biryar operasyoneke çavtirsandina siyasî ye ku ji aliyê darazê ve hatiye pêkanîn.
Dadgehê cezayên 6 sal û 3 meh ên girtîgehê yên ku ji Mudura Nûçeyan a JINNEWS Oznur Deger, nûçegihanên Ajansa Mezopotamya (MA) Dîren Yurtsever, Selman Guzelyuz, Emrullah Acar, Zemo Aggoz û rojnameger Denîz Nazlım û Hakan Yalçin re hatine dayîn, hatine pejirandin. Ev êrişa li ser çapemeniya azad hewldanek e, ji bo bêdengkirina pênûsên rojnamevanan, bi taybetî yên jin û fetisandina dengê rastiyê ye.
Nivîsandina rastiyê ne sûc e!
Azadiya çapemeniyê nefesa jinan, gelan û civaka demokratîk e.
Pênûsa heqîqetê nayê bêdengkirin û çapemeniya azad nayê dîlgirtin!
Komeleya Rojnamevanên Jin ên Mezopotamyayê (MKG)
